5 hapa për të krijuar zakone të shëndetshme të të ushqyerit

Mbajtja e një diete të shëndetshme është thelbësore për mirëqenien tonë të përgjithshme. Ajo siguron lëndët ushqyese të nevojshme për shëndet optimal, rrit nivelet tona të energjisë dhe zvogëlon rrezikun e sëmundjeve kronike.

Megjithatë, krijimi i zakoneve të shëndetshme të të ushqyerit mund të jetë sfiduese për shumë prej jush .

Por, si mund të fillojmë të kultivojmë gradualisht këto zakone?

Hapi #1 - Vendosni objektiva të qarta

Hapi i parë drejt krijimit të zakoneve të të ushqyerit të shëndetshëm është vendosja e qëllimeve të qarta dhe realiste. Identifikoni atë që dëshironi të arrini me dietën tuaj, nëse është humbja e peshës, përmirësimi i niveleve tuaja të energjisë ose thjesht të ndiheni më mirë.

Vendosja e qëllimeve specifike dhe të arritshme do t'ju japë motivimin e duhur për të arritur rezultatet e duhura.

MOS HARRONI: Roma nuk u ndërtua për një ditë!!

Hapi #2 -Planifikoni vaktet tuaja

Planifikimi paraprak i vakteve tuaja është një mënyrë efektive për tu siguruar që ju të bëni zgjedhje më të shëndetshme. Merrni pak kohë çdo javë për të krijuar një plan javor dhe për të bërë një listë ushqimesh për pazar.

Përfshini një shumëllojshmëri frutash, perimesh, drithëra, proteina pa yndyrë dhe yndyrna të shëndetshme në vaktet tuaja.

Kjo jo vetëm që do t'ju sigurojë vakte të ekuilibruar, por gjithashtu do të parandalojë zgjedhjet impulsive që mund të bëni si psh. të porositurit ushqim të shpejtë.

Hapi #3 - Praktikoni "mindful eating"

Të qënit vigjilent kur ushqeheni përfshin vëmendjen ndaj shenjave të urisë, ngopjes dhe shijimin e çdo kafshate.

Përtypeni plotësisht ushqimin dhe ngadalë.

Duke ngrënë me kujdes, do të jeni në harmoni me nevojat e trupit tuaj dhe do të jeni në gjendje të bëni dallimin midis urisë së vërtetë dhe dëshirave emocionale.

Hapi #4 - Bëni ndryshime graduale

Bërja e ndryshimeve drastike të zakoneve tuaja mund të jetë dicka e lodhshme dhe e paqëndrueshme në plan afatgjatë. Në vend të kësaj, përqendrohuni në bërjen e ndryshimeve të vogla, graduale me kalimin e kohës.

Filloni duke zëvendësuar pijet me sheqer me ujë ose me ujë me fruta dhe perime si limon, kastravec, gjethe mente, duke zëvendësuar ushqimet e përpunuara me fruta të freskëta dhe duke përfshirë më shumë perime në vaktet tuaja.

Këta hapa të vegjël do t'ju ndihmojnë të zhvilloni një mënyrë ushqyerje të shëndetshme duke u kthyer kështu në stil jetese.

Hapi #5 - Kërkoni mbështetje dhe qëndroni konsistent

Krijimi i zakoneve të shëndetshme të të ushqyerit është më i lehtë kur keni mbështetje.

Ndani synimet tuaja me familjen dhe miqtë dhe mësoni të thoni JO atëherë kur duhet të refuzoni një ushqim.

Bëhuni këmbëngulës me përpjekjet tuaja.Mos harroni se ushqimi i shëndetshëm është një mënyrë jetese dhe kërkon kohë për të formuar zakone të reja.

Mos harroni të shpërbleni veten kur duhet! Një ëmbëlsirë në një festë, nuk e hedh poshtë mundin që keni bërë.

Si përfundim:

Krijimi i zakoneve të shëndetshme të të ushqyerit është një proces gradual që kërkon përkushtim dhe vendosmëri. Duke vendosur qëllime të qarta, duke planifikuar vaktet tuaja, duke praktikuar të ushqyerit e "vetëdijshëm", duke bërë ndryshime graduale dhe duke kërkuar mbështetje, ju mund të krijoni një rutinë të qëndrueshme .

Mos harroni, hapat e vegjël drejt një diete më të shëndetshme kontribojnë në mirëqenien tuaj të përgjithshme.